6 лістапада ў Слоніме адбылося ўрачыстае адкрыццё бюста мецэната, вайскоўца, музыкі і палітыка Міхаіла Казіміра Агінскага. Пра гэта паведамляе «Слонімскі веснік».
Адкрылі бюст старшыня Слонімскага райвыканкаму Генадзь Хоміч, старшыня грамадскага аб’яднання «СлонімКаналАгінскага» Іван Вадзейка і дырэктар ТАА «Гранві» Уладзімір Вількіцкі, дзякуючы якім і з’явіўся бюст.
Як адзначыў Генадзь Хоміч, што з моманту пачатку працы над бюстам да яго ўрачыстага адкрыцця прайшло каля паўгода.
Міхал Казімір Агінскі (1730-1800) займаў пасаду гетмана вялікага літоўскага ў 1768-1793 і ваяводам віленскім. Займаўся музыкай, а ў Слоніме заснаваў шэраг мануфактураў, друкарню, тэатр, капэлу, балетную школу і знакаміты канал Агінскага, які злучаў басейны Балтыйскага і Чорнага мораў.
МГ belsat.eu
