Следчы камітэт злучыў у агульную вытворчасць некаторыя крымінальныя справы аб рассыланні ілжывых паведамленняў пра мінаванне. Пра гэта паведаміў 27 лістапада прадстаўнік СК Сяргей Гамко, інфармуе БелТА.
Справы злучаныя ў адну вытворчасць з прычыны падобных спосабаў здзяйснення і праз падобнасці інфармацыі.
Следства грунтуецца на міжнароднай супрацы.
«Адпаведныя запыты, просьбы і даручэнні аб аказанні прававой дапамогі накіраваныя, мы чакаем і акумулюем інфармацыю», – сказаў Гамко.
Паводле яго, «напрацоўкі ёсць», але пакуль пра арганізатараў атак следства нічога сказаць не можа.
Сёлета ў Менску паступіла шмат паведамленняў пра мінаванне розных установаў. Перадусім, «мінаваліся» вакзалы, гатэлі, Нацыянальны аэрапорт «Менск».
МГ belsat.eu