У Сірыі моцны выбух. Загінулі прынамсі 39 асобаў, з іх 12 – дзеці


Трагедыя здарылася ў паўночна-заходняй правінцыі Ідліб, дзе размясцілі эвакуяваных з цэнтральнай правінцыі Хомс сірыйцаў.

Паводле BBC, выбухнуў будынак у горадзе Сармада, у якім захоўвалі боепрыпасы. Прычына выбуху пакуль невядомая.

39 асобаў загінулі, з іх 12- дзеці. Дзясяткі людзей лічацца зніклымі без вестак. Колькасць загінулых можа павялічыцца.

Ідліб з’яўляецца апошнім раёнам, які знаходзіцца пад кантролем паўстанцаў супраць рэжыму Башара Асада. На правінцыю ў хуткім часе могуць напасць сірыйскія ўзброеныя сілы.

Вайна ў Сірыі працягваецца з 2011 года. У баявых дзеяннях удзельнічаюць ўрадавыя войскі, апазіцыянеры, радыкальныя ісламісты, курды і баевікі «Ісламскай дзяржавы». Да канфлікту ў розны час далучыліся ўзброеныя сілы ЗША, Расеі, Турцыі ды Ірану.

ДР belsat.eu

Стужка навінаў