Кіраўнік перадвыбарчага штабу Андрэя Дзмітрыева Сяргей Вазняк паведаміў на сваёй старонцы ў Фэйсбуку пра тое, што барʼер у 100 тысяч подпісаў пераадолены.
«Прыемная навіна. Ёсць 100 000 подпісаў. Сёння ў гэтым я ўжо ўпэўнены. Тыя тры дні, што засталіся, папрацуем над стварэннем невялікага запасу», – падкрэсліў ён.
Вазняк заклікаў сябраў ініцыятыўнай групы Дзмітрыева «не расслабляцца».
«Мы павінны пасля праверкі і адбракоўкі няправільна аформленых падпісных лістоў здаць у тэрытарыяльныя выбарчыя камісіі мінімум 105-110 тысяч подпісаў», – падкрэсліў ён.
Нагадаем, паводле Канстытуцыі, каб стаць кандыдатам у прэзідэнты, трэба сабраць мінімум 100 тысяч подпісаў у сваю падтрымку.
Збор подпісаў за вылучэнне кандыдатам у прэзідэнты Беларусі завяршаецца 19 чэрвеня. Да 14 ліпеня ЦВК мусіць правесці рэгістрацыю кандыдатаў.
КА belsat.eu
