У штабах і ў валанцёраў Навальнага па ўсёй Расеі праходзяць ператрусы


З самай раніцы 12 верасня ў дзясятках гарадоў Расеі прайшлі ператрусы ў штабах Аляксея Навальнага. Пра гэта паведаміў кіраўнік штаба палітыка Леанід Волкаў. Дзеянні праваахоўнікаў звязаныя з так званай справай аб адмыванні грошай супраць Фонду барацьбы з карупцыяй (ФБК), створанага апазіцыянерам.

Праваахоўнікі прыйшлі з ператрусамі таксама дадому да каардынатараў і супрацоўніка штабоў.

«Агульная колькасць штатных супрацоўнікаў (разам з каардынатарамі) рэгіянальных структур, у якіх сёння праводзіцца ператрус па месцы жыхарства – 70 чалавек. Плюс самыя памяшканні штабоў. Плюс значная колькасць актыўных валанцёраў, дакладнага спісу пакуль няма. Так што агульная колькасць ператрусаў ужо перавышае 150, задзейнічалі не менш за 1000 супрацоўнікаў сілавы структураў», – напісаў у Facebook кіраўнік сеткі штабоў Навальнага Леанід Волкаў.

Як Леанід Волкаў адзначыў у «Тўітэры», ператрусы праходзяць у 29 гарадах. У тым ліку ў Чэбаксарах, Екацярынбургу, Ніжнім Ноўгарадзе, Ліпецку, Казані, Хабараўску, Іркуцку, Кемераве, Пензе, Арэнбургу, Кургане, Саратаве, Новасібірску, Санкт-Пецярбургу, Краснаярску, Чэлябінску, Белгараду, Томску, Краснадары, Тамбове, Іжэўску, Цюмені і іншых.

«Уладзімір Пуцін расстроіўся і стукае ножкамі»

Аляксей Навальны назваў тое, што адбываецца, «самай вялікай паліцэйскай аперацыяй у новай гісторыі Расеі».

«МУС, Расгвардыя, СК, ФСБ. Вядома, ваенна-паліцэйскія аперацыі на Паўночным Каўказе значна большыя лікам па колькасці задзейнічаных супрацоўнікаў (цяпер, мабыць, каля 1500-2000), але па геаграфічным ахопе і колькасці лакацыяў – цяпер дакладна самае вялікае з усяго, што ў краіне было дагэтуль, – напісаў палітык у Facebook.

«Звычайны і звыклы ўжо тэрарыстычны акт»

Прадстаўнік ФБК адзначае, што ўсюды паліцыянты канфіскуюць усю магчымую тэхніку.

«Гэта ўсё – звычайны і звыклы ўжо тэрарыстычны акт, проста ў асабліва буйных памерах і, у гэты раз, добра арганізаваны. Напалохаць і абрабаваць – вось дзве задачы, якія дзяржава ставіць перад сабой», – заявіў Леанід Волкаў у сацсетцы.

У дзясяткаў шараговых працаўнікоў штабаў ў рэгіёнах паводле пастановаў Басманнага суда Масквы заблакавалі ўсе заробкавыя ды асабістыя банкаўскія рахункі.

Прычына вобшукаў – «трыумф разумнага галасавання»

Мэтай гэтай аперацыі ён лічыць знішчыць штабную структуру і перашкодзіць працы штабоў Аляксея Навальнага. Той жа факт, што ператрусы адбываюцца «пасля выбараў і трыумфу разумнага галасавання», апазіцыянер назваў адказам «на ўсе пытанні адразу; і на «хто вінаваты» і на «што рабіць».

Той жа факт, што ператрусы праходзяць «пасля выбараў і Трыюмф разумнага галасавання», апазіцыянера назваў адказам «на ўсе пытанні адразу: і на« хто вінаваты »і на «што рабіць». На выбарах, якія прайшлі 8 верасня па ўсёй краіне, у параўнанні з 2014 годам «Единая Россия» страціла сумарна 106 мандатаў, а кандыдаты, падтрыманыя разумным галасаванне, атрымалі 145 мандатаў.

«З дапамогай разумнага галасавання мы нават на памфілаўскіх крывых і касых выбарах наглядна паказалі, што ўяўляем сабой палітычную сілу, падтрымка якой практычна не саступае (а ў Маскве – відавочна перавышае) падтрымку дзейнай улады», – заявіў Волкаў.

На яго думку, такімі тэмпамі ў 2021 годзе «Единая Россия» «не зможа выбраць і дзясятка дэпутатаў у Дзярждуму». Таму ўлады і спрабуюць «неяк перашкодзіць рэалізацыі гэтага непазбежнага сцэнара».

Як паведамляе карэспандэнт Belsat.eu у Кемерава, у штабе Навальнага ў сталіцы Кузбаса таксама прайшоў ператрус. Сувязі з мясцовым каардынатарам Стасам Калінічэнкам няма. Яго маці Маргарыта Калінічэнка паведаміла, што і ў яе доме, а таксама, хутчэй за ўсё, у юрыста штаба Артура Сташа прайшлі ператрусы. Сташ таксама не адказвае на званкі.

МГ/МВ belsat.eu

Глядзі таксама
Каментары