У пачатку тыдня ў Беларусі захаваецца халоднае без істотных ападкаў надвор’е. У сярэдзіне тыдня надворʼе пачне мяняцца, тэмпература будзе павышацца, чакаюцца дажджы і мокры снег, месцамі – туманы і слабы галалёд.
Паводле Белгідрамету, у аўторак у Беларусі чакаецца без істотных ападкаў. Ноччу і раніцай месцамі будуць слабыя туман і галалёд. Тэмпература ўначы – 0… -6°С, а ўдзень – -3… + 3°С.
У сераду ў асобных раёнах Беларусі будуць невялікія мокры снег, дождж, слабыя туман і галалёд. Уначы – ад -8°С да +1°С, удзень -2… + 5°С.
У чацвер удзень на большай частцы тэрыторыі краіны чакаюцца кароткачасовыя дождж, мокры снег, месцамі – слабыя туман і галалёд. Ноччу тэрмометр апусціцца да -6°С, днём будзе +5… 7°С.
У пятніцу на большай частцы тэрыторыі – кароткачасовыя дажджы, у асобных раёнах – туман. У суботу на большай частцы тэрыторыі Беларусі – кароткачасовы дождж, які пераходзіць у мокры снег. Днём чакаецца парывісты вецер.
У нядзелю ў асобных раёнах краіны – кароткачасовы мокры снег, месцамі на дарогах – галалёдзіца. Уначы – -1… 7°С, удзень – -4… + 3°С.
МГ belsat.eu