Аварыя ў Салігорскім раёне.
Фота: t.me/pressmvd
Раніцай нядзелі ў Салігорскім раёне здарылася аварыя з удзелам маршруткі. Пра гэта паведаміла ў Telegram прэс-сакратарка МУС Вольга Чамаданава.
15 снежня каля 7:00 каля вёскі Кулакі ў маршрутнае таксі, якое ехала ў бок Салігорску, урэзаўся аўтамабіль «Газель», які рухаўся ў спадарожным кірунку.
Машыны пасля сутыкнення.
Фота: t.me/pressmvd
Ад удару мікрааўтобус «Volkswagen» з’ехаў у кювет і ўрэзаўся бокам у дрэва. Туды ж зʼехала і «Газель».
У выніку ДТЗ загінула 50-гадовая пасажырка маршруткі, яшчэ двое пасажыраў шпіталізавалі. Траўмы атрымалі таксама абодва кіроўцы.
МГ belsat.eu
