Прадмет, падобны да ручной гранаты, пабачыў чуйны аўтамабіліст – у юнакоў, якія круціліся ля рэчыцкай школы № 4.
Мужчына спыніўся, адабраў «выбухова небяспечны прадмет» і выклікаў міліцыю. Праз выклік праваахоўнікаў са школы эвакуявалі паўтысячы навучэнцаў. Сапёрна-піратэхнічная служба вызначыла, што падазроны прадмет усяго толькі балванка. Хлопец, які прынес муляж, і двое ягоных сяброў збеглі з месца здарэння.
Праз некалькі гадзінаў школа вярнулася да нармальнага рэжыму працы, а руплівы мужчына атрымаў падзяку ад працаўнікоў РАУС.
ДР, belsat.eu паводле dneprovec.by