Прэс-сакратар ВМС Аргентыны Энрыке Бальбі заявіў, што на поўдні Атлантычнага акіяну зафіксавалі «анамальны, аднакротны, кароткі, моцны выбух неядравага паходжання».
Мяркуецца, што выбух адбыўся прыкладна ў той жа час, калі з падлодкі паступіў апошні сігнал, адзначыў прэс-сакратар.
23 лістапада ў раёне знікнення субмарыны знайшлі неапазнаны аб’ект, аднак пазней эксперты паведамілі, што ён не мае дачынення да зніклай субмарыны.
Пошукі субмарыны, якая перастала выходзіць на сувязь 15 лістапада, працягваюцца, нягледзячы на складаныя ўмовы надворʼя. У аперацыі прымаюць удзел амерыканскія і брытанскія сілы, таксама да яе хутка далучацца расейскія вадалазы і судна «Бурштын».
Паводле Балбі, пошукі «Сан-Хуан» будуць працягвацца да зʼяўлення дакладных і пацверджаных дадзеных пра месцазнаходжанне і лёс падлодкі.
На борце падводнага чоўна былі 44 чальцы экіпажу. Запас кіслароду на судне разлічаны на сем дзён. Адпаведна, запасы сканчаюцца. Перад аварыяй экіпаж паведаміў аб непаладках з электрычнасцю.
ДР belsat.eu