У расейскім войску створаць Галоўнае ваенна-палітычнае ўпраўленне. Яно будзе ўтворана на базе існуючых выхаваўчых структур, паведамляе «Інтэрфакс».
Упраўленне будзе валодаць даволі вялікімі паўнамоцтвамі і мець строгую вертыкальную структуру ў маштабе ўзброеных сіл – ад роты да відаў і родаў войскаў, і замыкацца на Мінабароны Расеі.
Новы орган збіраюцца сфармаваць на базе цяпер дзеючага Галоўнага ўпраўлення па працы з асабовым складам Узброеных сіл, аднак гаворка ідзе не проста аб перайменаванні.
Паводле расейскага вайсковага камандавання, «наспела вострая неабходнасць умацоўваць на ўсіх узроўнях маральна-палітычную загартоўку радавога і афіцэрскага складу, узмацняць згуртаванасць армейскіх калектываў для вырашэння цэлага шэрагу найважнейшых задач».
Раней палітрукі былі ў савецкім войску, але з распадам Саюзу за ідэалагічную працу сталі адказваць намеснікі камандзіраў па выхаваўчай працы з асабовым складам.
КА, belsat.eu
