У Расеі затрымалі былога афіцэра, які забіў мірных чачэнцаў і 10 год хаваўся ад суду
У 2003 годзе Яўген Худзякоў быў абвінавачаны ў забойстве трох мірных жыхароў у Чачэніі. Падрабязнасці справы паведамляе meduza.io.
Згодна з матэрыяламі справы, 15 студзеня 2003 гады ў раёне аэрапорта Паўночны (цяпер – Грозны) на ўскраіне Грознага былі забітыя трое чачэнцаў, якія працавалі будаўнікамі на ваенных аб’ектах: Абдула Джамбекаў, Нажмудзін Хасанаў і Саід Янгулбаеў. У той жа дзень па падазрэнні ў забойстве паліцыя затрымала двух афіцэраў расейскай арміі – старэйшага лейтэнанта Яўгена Худзякова і малодшага лейтэнанта Сяргея Аракчэева.
Паводле версіі следства, 15 студзеня група выведкі аднаго з падраздзяленняў унутраных войскаў МУС пад камандаваннем Худзякова і Аракчэева спыніла КамАЗ, у якім ехалі трое будаўнікоў. Худзякоў вывеў іх з грузавіка, загадаў легчы на зямлю і адкрыў па іх агонь. Каб схаваць доказы, ваенныя скінулі грузавік з трупамі на ўзбочыну і падпалілі яго. У той жа дзень ваенныя спынілі яшчэ адну машыну ( «Волгу») з мясцовымі жыхарамі і затрымалі кіроўцу Шаміля Юнусава. Ваенныя адабралі ў яго гаманец і залаты пярсцёнак, адвезлі Юнусава на тэрыторыю сваёй вайсковай часткі, дзе катавалі, прымушаючы яго прызнацца ў сувязі з баевікамі. Затым Юнусова вывезлі з часткі, прастрэлілі яму нагу і кінулі на дарозе.
Згодна з матэрыяламі справы, падчас здзяйснення злачынства абодва былі пʼяныя.
Суд прысяжных двойчы апраўдваў афіцэраў
Суд над Худзяковым і Аракчэевым стаў адным з самых рэзанансных крымінальных працэсаў у дачыненні да расейскіх вайскоўцаў за злачынствы ў Чачэніі. Ім былі прадʼяўленыя абвінавачванні ў наўмысным забойстве, перавышэньні службовых паўнамоцтваў і разбойным нападзе.
У пачатку 2004 года Паўночна-Каўказскі акруговы ваенны суд пачаў разгляд справы. Худзякоў і Аракчэеў заявілі пра сваю невінаватасць, а падначаленыя ім жаўнеры, якія былі сведкамі злачынства, адмовіліся ад сваіх ранейшых паказанняў і заявілі, што іх прымусілі агаварыць абвінавачаных.
У чэрвені 2004 года былы падначалены афіцэраў, снайпер Дзяніс Мілаў, даў паказанні супраць Худзякова і Аракчэева, сказаўшы, што камандаванне прымушала салдат казаць аб невінаватасці афіцэраў. Нягледзячы на гэтыя паказанні, 29 Чэрвеня 2004 года прысяжныя апраўдалі афіцэраў, не ўбачыўшы ў справе складу злачынства. Худзякоў і Аракчэеў былі вызваленыя ў залі суду.
У лістападзе 2004 года Ваенная калегія Вярхоўнага суда адмяніла апраўдальны прысуд, убачыўшы парушэнні пры адборы прысяжных, і накіравала справу на паўторны разгляд. У студзені 2005 года ў Паўночна-Каўказскім акруговым ваенным судзе пачаўся паўторны працэс. Абарона Худзякова і Аракчэева зноў настойвала на невінаватасці афіцэраў. Яны сцвярджалі, што афіцэры нават не былі на месца злачынства. У кастрычніку 2006 года іх зноў апраўдалі па ўсіх пунктах.
Пасля трэцяга працэсу афіцэраў прысудзілі да доўгіх турэмных тэрмінаў
У 2006 годзе Вярхоўны суд зноў адмяніў прысуд і адправіў справу на трэці разгляд, пасля чаго Худзякоў і Аракчэеў былі арыштаваныя, каб выключыць магчымасць ціску з іх боку на сведак.
У лютым 2007 года Ваенная калегія Вярхоўнага суда адмяніла рашэнне суда аб арышце, адпусціўшы іх пад падпіску аб нявыездзе.
Напярэдадні вынясення гэтага рашэння ў Вярхоўны суд свае хадайніцтвы аб асабістай паруцы накіравалі шэраг дэпутатаў Дзярждумы, у тым ліку цяперашні віцэ-прэмʼер Дзмітрый Рагозін – у сакавіку 2007 года ён быў грамадскім абаронца афіцэраў. Выступаючы ў судзе, ён заявіў, што забойства чачэнцаў здзейснілі баевікі, якія хацелі «скампраметаваць расейскія ўзброеныя сілы падчас візіту ў Чачэнію дэлегацыі ПАРЭ», і прасіў цалкам апраўдаць падсудных.
Суд не пагадзіўся, у снежні 2007 года ён прызнаў афіцэраў вінаватымі ў наўмысным забойстве з абцяжарваючымі абставінамі – у стане алкагольнага апʼянення. Аракчэеў быў прысуджаны да 15 гадоў турэмнага зняволення, а Худзякоў, які не зʼявіўся на працэс, атрымаў тэрмін 17 гадоў. У студзені 2008 года Худякова абвясцілі ў вышук.
Амаль 10 гадоў пра месцазнаходжанне Худякова не было нічога вядома, у жніўні 2017 года яго затрымалі
Пакуль Худзякоў знаходзіўся ў вышуку, Сяргей Аракчэеў выйшаў на волю па УДВ у мінулым снежні.
Яўгена Худякова затрымалі яшчэ 24 жніўня ва Уладзімірскай вобласці. Усе гэтыя гады Худзякоў пражыў у Варонежскай вобласці, дзе працаваў на невялікім сельскагаспадарчым прадпрыемстве.
Пасля затрымання Худзякова этапавалі ў Растоў, дзе азнаёмілі з прысудам. Пакуль яшэ невядома, у якой калоніі той будзе адбываць пакаранне.
