У Расеі скончыліся выпрабаванні першай у свеце вакцыны ад каронавірусу

У маскоўскім Сечанаўскім універсітэце скончылася клінічнае даследаванне вакцыны ад каронавірусу. Першая група добраахвотнікаў будзе выпісаная ўжо ў сераду 15 ліпеня, перадае «РИА-Новости».

Дырэктар Інстытуту медычнай паразіталогіі, трапічных і трансмісійных захворванняў Сечанаўскага ўніверсітэту Аляксандр Лукашаў адзначыў, што галоўнай мэтаю даследавання стала паказаць бяспечнасць вакцыны для чалавека.

Ілюстрацыйнае фота. Крыніца: pixabay.com

Добраахвотнікаў падзялілі на дзве групы: першай атрымала адну дозу вакцыны, другая – дзве. Навуковец адзначыў, што ўсе ўдзельнікі выпрабаванняў добра пачуваюцца, адзінае што мелі павышаную тэмпературу цела пасля вакцынацыі. Яны знаходзіліся доўгі перыяд у самаізаляцыі, каб выключыць заражэнне каронавірусам.

Менавіта ізаляцыя негатыўна адбілася на псіхалагічным стане людзей: у групах узнікалі канфлікты, прышлося нават скарыстацца псіхалагічнай дапамогаю.

Ужо хутка ўдзельнікі выпрабаванняў здолеюць вярнуцца да нармальнага жыцця: выпіска плануецца 15 і 20 ліпеня.

«На гэтым этапе была паказаная бяспека вакцыны… Бяспека вакцыны пацверджаная. Яна адпавядае бяспецы тых вакцынаў, якая прысутнічае на рынку» – распавёў Лукашаў.

Далейшы план распрацоўкі вакцыны будзе залежыць ад эпідэміялагічнай сітуацыі і магчымасцю маштабавання вытворчасці.

Калі з’явіцца вакцына ад каронавіруса?

Клінічныя выпрабаванні вакцыны пачаліся 18 чэрвеня.

Апроч Расеі вакцыну ад каронавірусу распрацоўваюць і амерыканскія навукоўцы. Фінальныя тэсты прэпарату амерыканская кампанія «Moderna» правядзе ў ліпені.

КТ belsat.eu

Hавiны