Расейскі суд апраўдаў праваслаўнага святара, які быў асуджаны ў Беларусі за сутэнёрства. Пра гэта паведамляе сайт Выбаргскай епархіі РПЦ.
Адзначаецца, што 30 студзеня святар Мікалай Кірэеў, які да 2017 года служыў у царкве святых апосталаў Пятра і Паўла ў пасёлку імя Марозава, быў апраўданы Ленінградскім абласным судом і вызвалены з-пад варты.
У епархіі называць абвінавачанні, выстаўленыя святару ў Беларусі, ілжывымі. Святар дзякуе за падтрыманне Патрыярху Маскоўскаму Кірылу ды Выбаргскаму епіскапу Ігнацію.
39-гадовага айца Мікалая затрымалі на вакзале ў Віцебску напачатку жніўня 2017 года. Паводле СК, мужчына хацеў вывезці дзвюх жанчын у Санкт-Пецярбург для заняткаў прастытуцыяй.
Пазней суд Чыгуначнага раёну Віцебску прысудзіў святару 5,5 года пазбаўлення волі з адбываннем пакарання ў калоніі ўзмоцненага рэжыму з канфіскацыяй маёмасці. У жніўні 2019 года ён накіраваўся адбываць пакаранне ў Расею.
МГ belsat.eu
