Памятны знак называецца «Полацк – калыска беларускай дзяржаўнасці». Урачыстае адкрыццё адбудзецца 2 верасня падчас святкавання Дня беларускага пісьменства.
Аўтар памятнага знака – менскі скульптар Уладзімір Піпін.
Помнік нагадвае ладдзю са шчытоў. На іх знаходзяцца партрэты знакамітых гістарычных асобаў – ад першага полацкага князя Рагвалода і ягонай дачкі Рагнеды да Усяслава Чарадзея і асветніцы Еўфрасінні Полацкай.
На адваротным баку скульптар размясціў ключавыя падзеі станаўлення нашай дзяржаўнасці.
5,5-метровы бронзавы знак адлілі ў сталіцы.
ЮВ, belsat.eu, паводле vitebsk.cc