Будзе дапоўнена
Паліцыя Нью-Ёрку паведаміла пра затрыманне аднаго падазраванага. Паводле праваахоўнікаў, цяпер ён з’яўляецца адзіным пацярпелым падчас інцыдэнту.
Інфармацыю пра выбух падае «Бі-бі-сі» са спасылкай на паліцыю Нью-Ёрка. Пазней ведамства афіцыйна пацвердзіла гэтую інфармацыю.
З фатаграфій і відэа вынікае, што выбух адбыўся ў Мангэтане на аўтавакзале Порт-Аўторыці.
Паводле сведак, якія былі побач з месцам здарэння, з аўтавакзалу выбягалі натоўпы людзей у паніцы.
Да аўтавакзала сцягнутыя сілы паліцыі і пажарныя нарады. ABC Eyewitness News са спасылкай на крыніцы ў паліцыі сцвярджае, што ў праходзе пад зямлёй у тэрмінале выбухнула самаробная бомба, вырабленая з кавалка трубы. Паводле выдання, адну асобу затрымалі, некалькі чалавек атрымалі траўмы.
Лініі метро, якія праходзяць пад аўтавакзалам, перакрытыя, пасажыраў эвакуявалі.
Больш за 65 мільёнаў чалавек штогод карыстаюцца Порт-Аўторыці – самым вялікім аўтавакзалам у ЗША.
ДР belsat.eu