У Савецкім раёне Новасібірску абрынуўся дах прыбудаванага да кавярні будынку. У гэты час у памяшканні знаходзіліся людзі, паведамляе прэсавая служба МНС па Новасібірскай вобласці.
Прыбудова, створаная з сэндвіч-панэляў эксплуатавалася ў якасці распранальні начнога клубу. Ноччу 2-га лютага тут адбывалася вечарына. У выніку цяжару снегу на дах, адбыўся яго абвал. Выратавальнікі дасталі з-пад завалаў пяць асобаў. Адна жанчына загінула. Яшчэ да прыбыцця выратавальнікаў з будынку самастойна выбраліся 190 чалавек.
Плошча абрушэння склала каля 240 квадратных метраў.
На месцы працуе следча-аператыўная група, якая высвятляе прычыны і абставіны трагедыі.
Напярэдадні Галоўнае ўпраўленне МНС Расеі па Новасібірскай вобласці папярэджвала пра неабходнасць своечасовай ачысткі дахаў ад снегу каб пазбегнуць моцнай нагрузкі на канструкцыі даху.
СК belsat.eu
