Двое 21-гадовых беларусаў затрымалі 21 снежня ў аэрапорце Катманду, у Непале пры спробе правезці з сабой 6 кг какаіну.
Пра гэта паведаміла непальскае Бюро па кантролі за наркотыкамі.
Выданне The Himalayan Times піша, што беларускія грамадзяне везлі па 3 кг какаіну кожны, схаваўшы яго ў падшыўках зімовых куртак. Падчас дагляду багажу рэнтген выявіў схаванае рэчыва.
Вядома, што беларусы накіроўваліся з Катманду ў Ганконг рэйсам авіякампаніі Cathay Pacific Airways.
На допыце ў паліцыі беларусы прызналіся, што какаін ім перадалі двое грамадзянаў Балівіі падчас сустрэчы ў гатэлі. Беларусы прыляцелі ў Катманду праз Турэччыну 19 снежня, у той жа дзень балівійцы прыбылі з Бразіліі праз Эфіопію і Індыю.
КА belsat.eu