Ён быў валанцёрам у саборы, а ў пятніцу адказваў за закрыццё дзвярэй, перадае Reuters.
Сёння, 19 ліпеня, у Нанце быў арыштаваны 39-гадовы мужчына ў сувязі з падпалам сабору ХV стагоддзя. У агні згарэлі вітражы і старажытны арган.
Затрыманы мужчына – уцякач з Руанды. Ён быў валанцёрам у саборы, і адказваў за закрыццё дзвярэй у пятніцу. Мясцовая паліцыя сцвярджае, што тры пажары пачаліся ў суботу, 18 ліпеня. Слядоў узлому не было знойдзена.
Улады пачалі расследаванне ў справе наўмыснага падпалу.
Учора, 18 ліпеня, загарэўся адзін з найбуйнейшых гатычных сабораў Францыі. Пажар, які ўспыхнуў у саборы Святых Пятра і Паўла ў французскім горадзе Нант выратавальнікі здолелі ўтаймаваць толькі праз некалькі гадзінаў.
Летась моцна пацярпеў адзін з сімвалаў сталіцы Францыі – сабор Нотр-Дам-дэ-Пары.
КТ belsat.eu