У МЗС Беларусі распавялі пра складанасці з вяртаннем беларусаў

Абмежаванні, якія шэраг краінаў свету ўвялі па ўезду замежнікаў, паставілі тысячы беларусаў, што вяртаюцца на радзіму транзітам, у складанае становішча, паведамляе прэсавая служба МЗС Беларусі.

Беларусы, якія вяртаюцца транзітам, апынуліся ў складанай сітуацыі. МЗС паведамляе, што дыпламатычныя прадстаўніцтвы нашай краіны дапамаглі вярнуцца дадому 1 700 грамадзянам Беларусі. Пры гэтым у бліжэйшы час за дапамогай могуць звярнуцца яшчэ 1 200 чалавек.

Амбасада Беларусі ў Індыі збірае звесткі пра нашых суграмадзянаў, якія знаходзяцца на тэрыторыі Індыі, Непалу, Шры-Ланкі, Бангладэшу і пакуль пазбаўленыя магчымасці вярнуцца на радзіму.

«Адчуванне, што перад намі замыкаюцца дзверы». Беларусы заселі ў Малайзіі

Вяртаць дадому беларусаў дапаможа «Белавія». Кампанія робіць рэйсы ў Парыж, Берлін, Мюнхен, Гановэр, Прагу, Будапэшт. З 29 сакавіка плануецца запуск рэйсу «Менск – Вена». У Егіпет самалёты «Белавіі» будуць лётаць да 31 сакавіка.

Мінспорту вывезе з Егіпту каля 5 тысячаў беларускіх турыстаў

МЗС звяртае ўвагу, што многія беларусы не прыслухоўваюцца да парадаў дыпламатаў абмежаваць свае паездкі. Паводле Дзяржаўнага памежнага камітэту, колькасць грамадзянаў Беларусі, якія выязджаюць за мяжу, застаецца істотнай.

З 18 сакавіка мабільны аператар «МТС» дазволіць бясплатныя званкі для абанентаў кампаніі, якія знаходзяцца ў роўмінгу, на гарачыя лініі беларускіх дыппрадстаўніцтваў за мяжой (спіс даступны тут). Раней аналагічны сацыяльна-значны крок распачала кампанія «Life :)».

Дальнабойнік у Італіі: «Як у фільмах пра апакаліпсіс, бракуе толькі зомбі»

СК belsat.eu

Падпісвайся на telegram Белсату

Hавiны