У моцны дождж у Ветцы на пікет Ціханоўскай сабраліся каля 200 чалавек

Моцны, працяглы дождж і стадыён на ўскрайку мястэчка Ветка на Гомельшчыне не стаў перашкодай для некалькіх соцень людзей ад падлеткаў да пенсіянераў каб паўдзельнічаць у агітацыйным пікеце за кандыдатку ў прэзідэнты Святлану Ціханоўскую.

Давераныя асобы кандыдаткі і актывісты ініцыятывы «Краіна для жыцця» традыцыйна заклікалі прысутных прыйсці на выбары ў асноўны дзень галасавання 9 снежня, сфатаграфаваць свой бюлетэнь, пры гэтым абазначыць сябе белай стужкай, якая на гэтых выбарах будзе вызначаць людзей, якія галасуюць за перамены.

На пачатку прысутныя паводзілі сабе даволі стрымана, стаялі наводдаль ад пікетоўцаў, неахвотна выказваліся самі ў вольны мікрафон. Але пасля песні «Муры», якой актывісты завяршаюць агітацыйныя сустрэчы, веткаўчане падышлі бліжэй да пікетоўцаў і зноўку сталі прамаўляць у вольны мікрафон. Мітынг аднавіўся.

Пікет Ціханоўскай у Ветцы. Стрымім!

Opublikowany przez Белсат TV Środa, 29 lipca 2020

Жыхары Веткі выказвалі занепакоенасць адсутнасцю працоўных месцаў з годным заробкам, свабодных і сумленных выбараў, нязменнасці ўлады. На пытанне чаго яны чакаюць ад прэзідэнцкіх выбараў – у голас адказвалі – пераменаў.

Разыходзіліся ўжо зноў пад праліўным дажджом (які на час мітынгу сціх) і ў поўнай цемры, на школьным стадыёне святла не было.

Святлана Ціханоўская пра акцыю 30 ліпеня: Мы нічога не адмяняем

На Гомельшчыне агітпікеты з удзелам давераных асобаў Святланы Ціханоўскай і актывістаў ініцыятывы «Краіна для жыцця» адбыліся ўжо ў Буда – Кашалёве, Добрушы, Рэчыцы, Светлагорску і Хойніках. На гэтым тыдні запланаваны пікеты ў пас. Акцябрскі, Рагачове, Чачэрску, Мазыры, Калінкавічах, Петрыкаве.

ЛH belsat.eu

Hавiны