У Міністэрстве юстыцыі зладзілі турнір па боўлінгу. Вызначыўся «нечаканы» пераможца


Аматарскі турнір «Кубак Міністэрства юстыцыі Рэспублікі Беларусь-2016» зарганізавалі з мэтаю «павышэння фізічнай актыўнасці і арганізацыі здаровага вольнага часу працаўнікоў».

Турнір праходзіў у зачыненым фармаце – сярод працаўнікоў цэнтральнага апарату Міністэрства. Агулам набраліся 10 камандаў, пераможцы атрымалі дыплом і прыз ад арганізатараў, – паведамляе афіцыйны сайт Мінюсту.

Пераможцам турніру ў асабістым заліку сярод мужчынаў стаў Міністр юстыцыі Алег Сліжэўскі, сярод жанчын – галоўны спецыяліст Галоўнага ўпраўлення норматворчай дзейнасці ў сферы эканомікі і экалогіі Анастасія Рынкевіч.

700e263fba667c2dd730837df180d35c

Фота minjust.gov.by

«Карпаратыўны» турнір зарганізаваў прафсаюз Мінюсту, «Беларуская федэрацыя боўлінгу» і боўлінг-клуб «BOWLING HAUS».

Адна гадзіна гульні ў гэтым клубе ў будні дзень каштуе Br 180 тыс, пасля 18 гадзіны – Br 240 тыс., аднак адміністрацыя прапаноўвае зніжкі для пенсіянераў, студэнтаў, чальцоў БРСМ і «Беларускай федэрацыі боўлінгу».

МЛ, belsat.eu

Стужка навінаў