Наўпроставую трансляцыю ў «Facebookʼу» вёў журналіст Алесь Залеўскі.
25 сакавіка, 10:50 Адбываюцца суды над затрыманымі. Паводле інфармацыі ад праваабаронцаў, ім даюць ад 10 да 14 содняў за дробнае хуліганства.
Спачатку ў людзей, якія прыйшлі на вул. Фабрыцыўса 4 у Менску, праверылі дакументы. Паводле міліцыянтаў, у звязку са злачынствам. Міліцыянты і людзі ў цывільным нічога не патлумачылі.
23:20 Усіх затрыманых (9 асобаў) будуць судзіць за дробнае хуліганства.
22:30 Складзены пратакол на Уладзіміра Валодзіна (арт. 17.1 – дробнае хуліганства).
21:00 Людзі прыходзяць з перадачкамі для арыштаваных. У офісе БПЗ нікога няма.
20:00 Усіх журналістаў адпусцілі. Журналістаў адпусцілі пасля таго, як у РАУС прыехаў разбірацца з сітуацыяй прэс-сакратар менскай міліцыі Аляксандр Ластоўскі.
19:19 Журналіста «Белсату» Алеся Залеўскага адпусцілі. «Астаніх афармляюць», – напісаў Залеўскі ў «Facebookʼу».
18:35 Сярод затрыманых украінская журналістка Крысціна Бэрдынскіх з выдання «Новое время» і рэпарцёр Галівер Краг з «France24».
18:30 Людзей трымаюць у бусіках каля РАУС. Ніхто не дае ніякіх тлумачэнняў. Сярод затрыманых Максім Жбанкоў і Уладзімір Валодзін, Надзея Немік, Хрысціна Чарняўская, Галіна Абакунчык.
18:25 Усіх (13-15 асобаў) вязуць у Маскоўскі РАУС.
Родныя і сябры і ўсе неабыякавыя да лёсу затрыманых да і пасля Маршу недармаедаў у Менску 15 сакавіка, а таксама асуджаных на суткі, абвясцілі адкрыты збор у дапамогу арыштаваным, які распачаўся ў офісе Беларускай партыі Зялёныя.