На сайце «Удобный город» з’явілася петыцыя з патрабаваннем прыбраць шапік «Табакеркі» са сталічнай вуліцы Кузьмы Чорнага.
Як адзначаюць аўтары петыцыі, «акрамя пытанняў эстэтычнага і юрыдычнага характару» «Табакерка» каля дому на вуліцы Кузьмы Чорнага, 21 выклікае пытанні бяспекі.
Гэтак, яна абмяжоўвае агляд карыстальнікам самакатаў, ровараў і іншых падобных сродкаў, што павялічвае рызыку сутыкнення. Чарга каля шапіка можа перакрыць увесь тратуар, а сам аб’ект можа ствараць «сляпую зону» для кіроўцаў аўтамабіляў.
Больш за тое, за 150 метраў ад шапіка ёсць тры крамы, дзе можна набыць у тым ліку і тытунёвую прадукцыю.
У сувязі з гэтым Адміністрацыю Першамайскага раёну просяць прыбраць «Табакерку».
МГ belsat.eu