У Менску з’явіцца лыжны манеж, дзе можна катацца нават летам


Ілюстратыўнае фота snow-fly.ru

Каля новага будынку Вярхоўнага суда пабудуюць крыты лыжны манеж, піша TUT.BY

Хутчэй за ўсё, ён будзе ўяўляць сабой крыты будынак, дзе размесціцца ландшафтная лыжная траса працягласцю каля кіламетра з перападам вышынь да чатырох-пяці метраў. Тэмпература паветра ў манежы будзе каля мінус чатырох градусаў на працягу ўсяго года.

Акрамя лыжнай трасы, у будынку будзе прадугледжаная зона актыўнага адпачынку, трэнажорная зала, распранальні з саўнамі і кавярні. Агульная плошча абʼекта можа складаць 18 тысяч квадратных метраў. Побач плануецца паркоўка.

Комплекс будзе створаны не за кошт бюджэту, а як сацыяльная нагрузка аднаго з інвестараў. Заказчыкам будаўніцтва зʼяўляецца Нацыянальны алімпійскі камітэт. Паводле інфармацыі НАК, цяпер ідзе распрацоўка праекта комплексу.

Пачатак будаўніцтва запланаваны на ліпень 2019 года, а канчатак – на сакавік-красавік 2020 га. Для эксплуатацыі комплексу будзе створана асобнае унітарнае прадпрыемства.

КА, belsat.eu

Глядзі таксама
Каментары