«БМВ» ехала з боку Чкалава ў напрамку праспекту Незалежнасці па вуліцы Маскоўская. Шафёр не справіўся з кіраваннем, выехаў на сустрэчную паласу руху і сутыкнуўся з трыма аўтамі.
Усе аўтамабілі атрымалі механічныя пашкоджанні.
Відавочца здарэння паведаміў, што дзяўчыну ў шокавым стане адвялі ў падземны пераход. Яшчэ адзін пацярпелы ляжаў на зямлі. Прысутныя мужчыны на месцы ДТЗ спрабавалі адкрыць заднія дзверы аднаго з пашкоджаных аўтаў – там нехта быў.
У пасажыркі «БМВ» папярэдне дыягнаставалі страсенне мозгу, паведаміла ДАІ. Яшчэ двух пацярпелых забрала хуткая дапамога.
Цяпер на вуліцы Маскоўская абцяжараны рух.
На месцы здарэння працуе ДАІ і следчыя. Абставіны здарэння высвятляюцца.
ДР belsat.eu
