У Менску 23 траўня ў ейнай кватэры была затрыманая актывістка руху за правы сваякоў асуджаных паводле крымінальнага артыкулу 328 Марына Мацулевіч. Пра гэта яна паспела паведаміць у «Facebook’у».
В квартиру где я проживаю ломится милиция, угрожает МЧС и тем, что выломает двери. Позвонила в 102
Opublikowany przez Марина Мацулевич Środa, 22 maja 2019
Актывістка адзначыла, што ў кватэру з самай раніцай спрабавалі ўвайсці прадстаўнікі міліцыі, якія пагражалі выклікаць супрацоўнікаў МНС і выламаць дзверы.
Зараз яна знаходзіцца ў Следчым камітэце. Яе абвінавачваюць паводле артыкул 369 Крымінальнага кодэксу ў знявазе службовай асобы.
УК РБ 369 оскорбление должностного лица. Дали приказ людям, которые даже не знают этой статьи , изъять технику.
Opublikowany przez Марина Мацулевич Środa, 22 maja 2019
«Далі загад людзям, якія нават не ведаюць гэтага артыкула, забраць тэхніку», – распавяла актывістка.
Артыкул 369 прадугледжвае пакаранне ад штрафу да абмежавання волі на тры гады.
Марына Мацулевіч, маці аднаго з абвінавачаных паводле артыкулу за незаконны зварот наркотыкаў, стала вядомай сваімі галадоўкамі пратэсту, якія яна правяла ў кастрычніку 2018 года – спачатку ля сценаў СІЗА на Валадарскага, а затым на Дзень маці.
Актывісткі «Матчынага руху 328» дамагаюцца змякчэння пакаранняў па «наркатычным» артыкулах. Яны сцвярджаюць, што «Маці» супраць наркотыкаў і за светлую будучыню моладзі.
МГ belsat.eu
