6 ліпеня ў Менску ў рытуальнай зале на вуліцы Альшэўскага развіталіся з загінулай падчас салюту на Дзень Незалежнасці. Выказаць спачуванні прыехалі ўлады гораду і Мінабароны.
Ахвяра крывавага салюту Наталля Мікалаеўна Максімчук працавала ў камерцыйным Інстытуце кіравання і прадпрымальніцтва ў Менску ў вучэбна-метадычным аддзеле. Ёй было 64 гады, і яна ўжо некалькі гадоў была на пенсіі.
Па справе аб выбухах падчас салюту 3 ліпеня ў Менску, у выніку якіх загінула жанчына, затрыманыя расейцы Максім Сапронаў і Канстанцін Дзянісаў. Яны з’яўляюцца супрацоўнікамі кампаніі «Пиро-Росс» з Сергіева Пасада, якая паставіла піратэхнічныя снарады.
Сям’і нябожчыцы выплацяць кампенсацыю ў памеры 1000 базавых велічынь або Br 25 500.
Фота – Дзмітрый Брушко/TUT.BY
ЮВ belsat.eu
