У Менску праз содні пасля адкрыцця запрацавала трэцяя лінія метро. Але з мноствам праблемаў

Станцыя метро «Плошча Францішка Багушэвіча». Фота: t.me/minskoemetro

Афіцыйна трэцюю лінію метро адкрылі яшчэ 6 лістапада, але пасажыраў яна прыняла толькі 7-га.

Трэцяя лінія метро складаецца з чатырох станцыяў – «Кавальская Слабада», «Плошча Францішка Багушэвіча», «Вакзальная» і «Юбілейная плошча». 6 лістапада яе ўрачыста адкрыў Аляксандр Лукашэнка.

Лукашэнка адкрыў трэцюю лінію менскага метро

Але астатніх пасажыраў у яе пусцілі толькі на наступны дзень – 7 лістапада ў 12.30.

Больш за тое, як паведамляе тэлеграм-канал «Транспорт Минска», станцыі яшчэ не працуюць у нармальным рэжыме.

Гэтак, на станцыі «Плошча Францішка Багушэвіча» былі закрытыя ўваход і выхад. На трох станцыях, апроч «Кавальскай Слабады», не працуюць эскалатары.

На «Вакзальнай» таксама не функцыянаваў адзін з травалатараў. Не створаныя нармальныя пераходы паміж «Юбілейнай плошчай» і «Фрунзенскай».

Таксама адзначаецца, што не зробленая нават асобная агучка для лініі з чатырох станцыяў.

7 лістапада Лукашэнка запусціў Беларускую АЭС.

Лукашэнка адкрывае БелАЭС у Астраўцы

МГ belsat.eu

Hавiны