Людзі сабраліся ў Менску ля Камароўскага рынку падтрымаць затрыманую сябру Каардынацыйнай рады Марыю Калеснікаву.
На месца мітынгу зноў прыехалі міліцыянты, якія папярэджваюць пра забарону несанкцыянаваных масавых мерапрыемстваў і адказнасць за ўдзел у іх.
На акцыі заўважаны мужчына ў цывільным з ручной камерай. Мітынгоўцы скандуюць «Бандыты». Хлопец з камерай у кепцы збег.
На акцыі сабраліся сотні менчукоў. Людзей затрымліваюць людзі ў балаклавах.
Сярод затрыманых ля Камароўскага рынку – Наталля Салук, Галіна Макрацова, Алена Арцёменкава, паведамляе ПЦ «Вясна». Таксама belsat.eu стала вядома пра затрыманні паэткі, перакладчыцы і супрацоўніцу ПЭНу Ганну Комар, паэта, перакладчыка, супрацоўніка і сябра ПЭНу Уладзіміра Лянкевіча, перакладчыка Сяржа Мядзведзева.
Поўны спіс затрыманых. Па стане на 21:00 вядома пра больш чым 40 затрыманых.