У Беларусі за 9 гадоў зачысцілі больш за 3 тысяч смеццевых палігонаў. Пра гэта ў эфіры тэлеканалу СТВ паведаміў намеснік міністра жыллёва-камунальнай гаспадаркі Віталь Смірноў.
Паводле чыноўніка, з 2010 года было ліквідавана 3000 міні-палігонаў і каля 12 буйных палігонаў. Цяпер у краіне засталося 835 міні-палігонаў і 165 палігонаў. Да 2022 года плануецца ліквідаваць усе міні-палігоны, заявіў Віталь Смірноў.
Таксама ў Беларусі да 2030 года будзе пабудавана 30 комплексаў, якія будуць вымаць, сартаваць і перапрацоўваць другасныя матэрыяльныя рэсурсы. Пры кожным комплексе плануецца пабудаваць палігон.
У Менску, напрыклад, будзе пабудаваны завод для энергетычнага выкарыстання адходаў.
«Вобразна кажучы, спальванне – першае, што прыходзіць на розум. Тэхналогіі вывучаныя», – адзначыў намеснік міністра ЖКГ.
У 2020 годзе плануецца аб’явіць конкурс для выбару інвестара або тэхналогіі, паводле якой будзе ажыццяўляцца далейшае выкарыстанне адходаў.
МГ belsat.eu
