Інспектары ДАІ затрымалі нецвярозую кіроўцу.
Пра гэта паведамілі ў ДАІ ГУУС Менгарвыканкаму.
Інцыдэнт адбыўся 5 траўня, каля 22:30. У міліцыю паведамілі, што за стырном «Audi Q5» можа знаходзіцца нецвярозы кіроўца. Супрацоўнікі ДАІ на вуліцы Камсамольскай спынілі гэтае аўта. За стырном была 56-гадовая жанчына, медычны агляд паказаў 2,24 праміле алкаголю ў ейнай крыві.
Жанчына патлумачыла, што прыехала з Менскага раёну, каб забраць сваю дачку з кінатэатру.
На парушальніцу склалі адміністрацыйны пратакол. Яе могуць пазбавіць правоў кіроўцы на тры года, а таксама жанчыне могуць прызначыць да 100 базавых велічыняў штрафу (Br 2450).
Учора да абеду супрацоўнікі ДАІ Партызанскага раёну спынілі чатырох нецвярозых кіроўцаў.