Менскі гарвыканкам узгадніў графік адключэння гарачай вады ў спажыўцоў з траўня да верасня. Адпаведны графік апублікаваны на афіцыйным сайце «Менскэнерга».
Першыя адключэнні пачнуцца менш чым праз месяц – ужо 13 траўня. А вось апошніх спажыўцоў адключаць ажно 2 верасня. Такі зацягнуты перыяд адключэння звязаны з правядзеннем у Менску II Еўрапейскіх гульняў, падчас якіх з 21 да 30 чэрвеня гарачую ваду ў горадзе адключаць не будуць.
У «Менскэнерга» абяцаюць, што працягласць адключэнняў не перавысіць 14 дзён, а ў выпадку паспяховага правядзення выпрабаванняў тэрміны адключэння могуць скараціць.
У графік адключэння могуць быць унесеныя змены.
МГ belsat.eu