У Менску на сметніку знайшлі ўран


14 сакавіка працаўнікі Жыллёва-эксплуатацыйнага ўпраўлення знайшлі на кантэйнернай пляцоўцы па вуліцы Сердзіча ў Менску пластыкавае вядро са слоікамі, на якіх быў знак радыяцыйнай небяспекі.

Ратавальнікі, якія прыехалі на месца здарэння, зафіксавалі перавышэнне радыяцыйнага фону ў чатыры разы на адлегласці адзін метр ад вядра са слоікамі.

Працаўнікі МНС забралі з сабою пяць ёмістасцяў з радыеактыўнымі рэчывамі агульнаю вагою 5 кг: ураніл хлорысты, ураніл азотнакіслы, ураніл сернакіслотны, уран трыкіслы.

Радыеактыўныя рэчывы адправілі ў Аб’яднаны інстытут энергетычных і ядравых даследаванняў «Сосны», паведамляе МНС.

Фота – minsk.mchs.gov.by

ЮВ belsat.eu

Глядзі таксама
Каментары