У Менску дамовіліся ад 21 ліпеня спыніць агонь на Данбасе


Трохбаковая кантактная група на паседжанні ў Менску ўзгадніла бестэрміновае спыненне агню ў зоне вайсковага канфлікту ва Украіне з 21 ліпеня. Пра гэта 17 ліпеня паведаміў спецпрадстаўнік АБСЕ ў трохбаковай кантактнай групе па ўрэгуляванні сітуацыі на ўсходзе Украіны Марцін Зайдык.

Агонь мусіць спыніцца ад 00:01 паводле кіеўскага часу, паведамляе БелТА.

У заяве кантактнай групы таксама змяшчаецца шэраг мераў дзеля забеспячэння ўстойлівасці перамір’я.

Пуцін спрасціў атрыманне грамадзянства выхадцам з Луганскай і Данецкай вобласцяў

ТКГ падкрэслівае важнасць прыняцця і выканання загадаў аб спыненні агню. Таксама адзначаецца важнасць эфектыўнага ўжывання дысцыплінарных мераў пры парушэнні рэжыму спынення агню і апавяшчэння пра іх СММ АБСЕ.

Бакі падкрэсліваюць важнасць адмовы ад наступальных дзеянняў і разведвальна-дыверсійных аперацый, неўжывання любога віду агню, у тым ліку снайперскага. Адзначаецца недапушчэнне размяшчэння цяжкага ўзбраення ў населеных пунктах і каля іх, у першую чаргу ў школах, дзіцячых садках, больніцах і грамадскіх памяшканнях.

Дождж з трупаў: 5 гадоў таму над Данбасам збілі МН17. Хутка пачнецца суд

Трохбаковая кантактная група абяцае забяспечыць надзейны і бяспечны доступ СММ АБСЕ па ўсёй Украіне згодна яе мандату.

Пацверджанае месцазнаходжанне 69 грамадзянаў Украіны

Як паведаміла ў «Facebook’у» прэс-сакратарка прадстаўніка Украіны ў ТКГ Леаніда Кучмы Дарка Аліфер, таксама было завершанае развядзенне сілаў і сродкаў у раёне станіцы Луганскай. Бакі дамовіліся ў бліжэйшы час сінхронна дэмантаваць фартыфікацыйныя збудаванні на мосце і прыбраць сімвалы квазігруповак. Украіна з самыя кароткія тэрміны гатовая адрамантаваць сваю частку моста.

Тристороння контактна група, за участі представників ОРДЛО, визнаючи позитивний вплив практики підтвердження відданості…

Opublikowany przez Darka Olifer Środa, 17 lipca 2019

Пацверджанае месцазнаходжанне 69 грамадзянаў Украіны, якіх імкнецца вызваліць Кіеў. Ва ўкраінскіх турмах знаходзяцца 208 чалавек, якіх шукае процілеглы бок. Дамоўлена ў самыя кароткія тэрміны падрыхтаваць узаемнае вызваленне гэтых асобаў.

Таксама ідзе праца над забеспячэннем бесперабойнага энерга- і водазабеспячэння мірных жыхароў з абодвух бакоў. Ёсць станоўчыя зрухі ў забеспячэнні ўстойлівай мабільнай сувязі на ўсім Данбасе.

МГ belsat.eu

Глядзі таксама
Каментары