Міністр замежных спраў Украіны Павел Клімкін заявіў, што перамовы Трохбаковай кантактнай групы ў Менску павінны аднавіцца 5 чэрвеня.
Пра гэта ён сказаў у эфіры «Радыё НВ».
Паводле яго слоў, на наступным тыдні прэзідэнт Украіны Уладзімір Зяленскі павінен прадставіць новую каманду ўдзельнікаў перамоваў ад Украіны.
«Вы там убачыце некаторыя знаёмыя твары, некаторыя, магчыма, новыя», – дадаў міністр.
24 траўня Зяленскі правёў першую сустрэчу з прадстаўнікамі ўкраінскай гуманітарнай групы ТКГ у Менску. Яго паінфармавалі пра працу гуманітарнай групы, дэталі перамоваў, агучылі спісы закладнікаў і зніклых ды іншыя праблемы.
Раней Ірына Герашчанка паведаміла, што напісала заяву аб звальненні з пасады ўпаўнаважанага прэзідэнта па мірным урэгуляванні сітуацыі на Данбасе і прадстаўніка Украіны ў гуманітарнай падгрупе.
КА belsat.eu
