У Менску ў жылым доме на вуліцы Кальцова 23 адбыўся выбух. Выбухам пашкоджаны пад’езд.
На месцы працуюць міліцыя і медыкі.
Выбух адбыўся ў будынку на вуліцы Кальцова 23.
«Адкрытым полымем гарыць кватэра на першым паверсе. Паводле папярэдняй інфармацыі атрымалі траўмы тры чалавекі. Будзе дапоўнена або абноўлена», – паведамляе МНС.
Выратавальнікі патушылі пажар. Як і паведамлялася раней, пацярпелі тры асобы.
Працаўнікі МНС выратавалі пяць асобаў з пад’езду, дзе гарэла кватэра, тры асобы эвакуявалі з суседняга. Паводле папярэдняй інфармацыі пажару папярэднічала ўспышка бытавога газу.
Відавочцы распавялі «Белсату», што выбух быў вельмі моцны і гучны. Пацярпелыя трое мужчынаў перасоўваліся самі, сядзелі на лаўцы, моцна абпаленыя асобы і валасы. Усе жывыя з’ехалі на хуткай, распавялі відавочцы.
СК belsat.eu
