У мексіканскім штаце Каауіла 14 чалавек загінулі ў выніку нападу прадстаўнікоў наркакартэлю на адміністрацыю муніцыпалітэту Вілля-Уньён, піша Reuters.
Злачынцы прыбылі ў мястэчка на 14 узброеных пікапах і адкрылі агонь па дзяржаўных установах.
Перастрэлка цягнулася больш за гадзіну.
Як расказаў губернатар штату Мігель Рыкельме, сярод загінулых 4 паліцыянтаў і 10 узброеных нападнікаў. Сярод прадстаўнікоў дзяржаўных установаў ёсць зніклыя.
МГ belsat.eu