У Маскве затрыманы вядомы актор Міхаіл Яфрэмаў – яго вінавацяць у смяротным ДТЗ

У выніку ДТЗ, якое здзейсніў у цэнтры Масквы вядомы расейскі актор Міхаіл Яфрэмаў, загінуў чалавек.

Як піша «РИА Новости», ДТЗ здарылася каля 21:44 на Смаленскай плошчы. Міхаіл Яфрэмаў на аўтамабіле Jeep Grand Cherokee выехаў на паласу сустрэчнага руху і здзейсніў сутыкненне з невялікім фургонам. Кіроўца фургона быў шпіталізаваны і раніцай 9 чэрвеня памёр у лякарні.

Паводле СМІ, 56-гадовы актор быў п’яны. Маскоўская паліцыя паведамляе, што Яфрэмава затрымалі на месцы ДТЗ і накіравалі на медычны агляд на прадмет наяўнасці алкаголю ў крыві. Распачатая крымінальная справа паводле ч. 2 арт. 264 Крымінальнага кодэксу Расеі (парушэнне правілаў дарожнага руху, здзейсненае ў стане алкагольнага апʼянення, што пацягнула па неасцярожнасці прычыненне цяжкага шкоды здароўю чалавека).

• У 2011 годзе Яфрэмаў выказваўся ў падтрымку беларускіх палітвязняў і падпісаў паштоўку Змітру Дашкевічу.

ІІ belsat.eu