69-гадовая жанчына, у якой было пацверджана заражэнне каронавірусам, памерла ў Маскве 28 сакавіка, паведамляе «Интерфакс».
Пры паступленні ў лякарню ў пацыенткі дыягнаставалі двухбаковую пнеўманію, заявілі ў дэпартаменце аховы здароўя па Маскве. Жанчына таксама мела шэраг спадарожных захворванняў.
Гэта пяты па ліку смяротны выпадак з заражэннем COVID-19 у Маскве і сёмы ў Расеі. Таксама гэта стала трэцяй смерцю за мінулы дзень: раней улады паведамілі пра смерць пацыентаў у Арэнбургу і Санкт-Пецярбургу.
Паводле афіцыйных дадзеных, у Расеі каронавірусам заразіліся 1264 чалавекі, з іх 49 паправіліся.
КА belsat.eu