4 лістапада ў Маскве ў раёне Любліна стартаваў Расейскі марш. Як паведамляе «МБХ медиа», у акцыі бяруць удзел каля 100 чалавек, а ў ачапленні стаяць некалькі сотняў паліцыянтаў.
Заяўку на шэсце спачатку падавалі прадстаўнікі нацыянал-дэмакратычных рухаў, але ўлады яе адхілілі. Гэтую ж акцыю здолела ўзгадніць Асацыяцыя народнага супраціву (АНС), піша «Коммерсантъ».
Паралельна каля станцыі метро «Кастрычніцкае поле» праходзіць яшчэ адзін Расейскі марш, арганізаваны чальцамі Народна-патрыятычнага саюзу Расеі (НПСР).
Расейскія маршы праводзяцца з 2005 гады 4 лістапада, у Дзень народнага адзінства, які прымеркаваны да вызвалення Масквы ад войскаў Рэчы Паспалітай. З 2014 года праходзяць два незалежныя маршы, якія падзяліліся на падставе стаўлення ўдзельнікаў да «Наваросіі» і «Расейскага свету».
МГ belsat.eu
