Двое мужчынаў сталі ахвярамі абсыпання грунту ў Маладзечне. Яшчэ адзін – шпіталізаваны ў мясцовую больніцу, паведамілі ў Менскім абласным МНС.
Трагедыя здарылася ўвечары 7 верасня на вуліцы Гарадоцкая падчас земляных працаў па ўладкаванні ліўневай каналізацыі.
На мужчынаў, якія знаходзіліся ў траншэі глыбінёй два метры і шырынёй 1,5, абваліўся грунт. Пад зямлёй апынуліся трое чалавек. Выратаваць іх да прыбыцця ратавальнікаў не атрымалася.
Працаўнік МНС дасталі мужчынаў. Але медыкі канстатавалі смерць дваіх з іх, трэці мужчына – шпіталізаваны.
МГ belsat.eu