У Магілёве затрымалі цыганскага барона, які падазраецца ў гандлі метадонам

ВІДЭА

Затрыманне адбывалася пры ўдзеле ДАІ і АМАПу.

Відэа спецаперацыі апублікаваў афіцыйны YouTube-канал МУС.

Паводле Галоўнага ўпраўлення ў барацьбе з арганізаванай злачыннасцю «барон» сістэматычна гандляваў метадонам ды іншымі наркотыкамі.

Перад затрыманнем на аўтадарозе мужчына, паводле міліцыі, паспеў праглынуць пакецік, як мяркуецца, з наркотыкам. Падчас агляду аўтамабіля аператыўнікі знайшлі невялікую ёмістасць з вадкасцю, якую накіравалі на экспертызу.

Нагадаем, што ў ноч на мінулую пятніцу міліцыя масава вывезла жыхароў магілёўскіх пасёлкаў Грабянёва і Чапаеўка ў мясцовыя аддзяленні міліцыі. Гэта адбылося пасля таго, як міліцыянты знайшлі ў лесе пад Магілёвам цела інспектара ДАІ.

Адкуль блогер NEXTA меў эксклюзіўную інфармацыю пра смерць інспектара ДАІ?

Першапачаткова меркавалася, што інспектар быў выкрадзены асобамі, якія былі падобныя на цыганоў. Пазней гэтая інфармацыя не пацвердзілася.

Праваабаронцы звярнуліся ў пракуратуру: МУС павінен прасіць прабачэння ў ромаў

Неўзабаве пасля масавага вывазу ромаў у пасёлку Грабянёва памерла 67-гадовая мясцовыя цыганка Лідзія Юрчанка. Сваякі настойваюць, што нябожчыца не здолела перажыць стрэсу.

У цыганскім пасёлку Магілёва сёння хаваюць жанчыну, якая памерла пасля жорсткага рэйду АМАПу

ЮВ belsat.eu

Глядзі таксама
Каментары