На пешаходнай вуліцы Магілёва ўсталявалі аграмадныя гаршкі для кветак. Кожны гаршчок сімвалізуе галоўную мару беларуса – заробак «па пяцьсот», бо каштуе $555.
Адміністрацыя гораду ўпрыгожвае гістарычны цэнтр напярэдадні V Форуму рэгіёнаў, які мае адбыцца ўвосень пры ўдзеле Аляксандра Лукашэнкі і Уладзіміра Пуціна.
«Як зрабіць азеляненне максімальна дарагім, даражэй чым у пустыні? Трэба ўлупіць велізарныя вазоны на пешаходнай вуліцы і пасадзіць туды тры кветачкі!» – першыя водгукі ў сацыяльных сетках.
Больш за ўсё людзей здзівіла вышыня гаршкоў – 121 см, і тое, якімі шчыльнымі радамі стаяць гаршкі. Як пасля высветлілася, у гаршкі пасадзілі не толькі кветачкі – петуніі, а таксама туі.
Хоць пра гэта нідзе не было сказана, але людзі самі знайшлі сайт расейскага вытворцы гэтых гаршкоў і адтуль даведаліся пра іхны кошт (35 000 расейскіх рублёў або $ 555).
Фота з тэлеграм-каналу t.me/l_o_s_q_u_e