Былы амапавец Уладзімір Шустаў атрымаў 3 гады зняволення ў калоніі агульнага рэжыму нібыта за напад на супрацоўніка міліцыі. Такі прысуд па крымінальнай справе паводле 364 артыкула (гвалт у дачыненні супрацоўнікаў міліцыі) вынесла суддзя Алена Літвіна 17 лістапада ў Магілёве.
10 жніўня Уладзімір разам з сынам быў збіты сілавікамі падчас разгону пратэстоўцаў у Магілёве. Як апынулася пасля, адзін міліцыянт напісаў заяву на Уладзіміра. Шустаў сваю віну не прызнаў, маўляў, яго збівалі і ён проста зачапіўся за міліцыянта пры падзенні.
«Каб не караць дзясяткі, яны пакаралі аднаго» – сказаў пасля агучвання судовага выраку Уладзімір Шустаў.
ВВ belsat.eu