У Лёзне памёр 57-гадовы рэжысёр народнага тэатру, які заразіўся каронавірусам

У Лёзне (Віцебская вобласць) 30 красавіка памёр краязнаўца і рэжысёр мясцовага народнага тэатру Генадзь Цыганкоў. Пра гэта паведамляе «Радыё Свабода» са спасылкай на віцебскага рэжысёра Ігара Баярынцава.

Паводле суразмоўцы РС, у 57-гадовага рэжысёра народнага тэатру Генадзя Цыганкова быў каронавірус. Да таго ж ён меў хранічную хваробу – цукровы дыябет.

«Наша Ніва» са спасылкай на знаёмых сям’і Цыганкова піша, што жонка рэжысёра таксама шпіталізаваная. Спачатку ў іх абаіх выявілі каронавірус, але апошні тэст мужчыны нібыта даў адмоўны вынік. Калегам Генадзя таксама рабілі тэст. Іх вынікі пакуль не вядомы.

Як адзначае Баярынцаў, Цыганкоў са сваімі спектаклямі неаднаразова ўдзельнічаў у абласных фестывалях тэатральнага мастацтва, шмат гастраляваў. Арганізоўваў раённыя тэатральныя фестывалі і аказваў неацэнную дапамогу вясковым тэатральным калектывам. Таксама Цыганкоў быў вядомы як краязнаўца.

  • Паводле Міністэрства аховы здароўя, на 1 траўня ў Беларусі зарэгістравана 14 917 выпадкаў заражэння COVID-19. 93 пацыента памерлі.

Каронавірус у Вушачах: у больніцы – усё кіраўніцтва райспажыўтаварыства

ІІ belsat.eu

Hавiны