Да такіх высноваў прыйшоў кіраўнік краіны падчас візіту ў Аршанскі льнокамбінат.
Лукашэнка не задаволены, як праходзіць мадэрнізацыя прадпрыемства. Паводле яго, праца дагэтуль часу наладжана неэфектыўна.
«Галоўнае маё ўражанне пакуль сёння – паскудныя мы людзі. Любіць трэба сваю краіну. І любоў павінна выказвацца не ў балбатні і словах, а ў справах», – сказаў ён.
Паводле Лукашэнкі, цяпер 60–70 % кароткага льновалакна «не даюць таго даходу, той эфектыўнасці і прыбытку, які мы маглі б мець».
«Здавалася б: чаго ў мяне такі паганы настрой? Бо мы абыякава ставімся да гэтага».
Ён упэўнены, што льняная галіна краіны цягам некалькіх гадоў можа зрабіцца ўдвая больш эфектыўнаю.
ДР belsat.eu
