Дыпламатычныя прадстаўніцтвы і ўстановы ў краінах NATO, а таксама медыі ў Літве атрымалі паведамленне ад імя Міністэрства замежных справаў пра размяшчэнне ў краіне тактычнаq ядравай зброі ЗША. Пазней высветлілася, што гэта жарт хакераў, паведамляе DELFI.
У фэйкавым паведамленні адзначаецца, што ядравая зброя ЗША будзе размешчана ў Літве на вайсковай базе, якую неўзабаве распачнуць будаваць адмыслоўцы з ЗША. МЗС краіны зняпраўдзіў гэтую інфармацыю.
«Інфармуем, што 18 кастрычніка Дэпартамент камунікацыі і культурнай дыпламатыі МЗС не распаўсюджваў паведамленне для прэсы пра імкненне заснаваць вайсковую базу ЗША ў Літве. Верагодна, гэта комплексная інфармацыйна-кібернетычная атака. Гэты інцыдэнт расследуюць кампетэнтныя органы», – адзначаецца ў распаўсюджаным паведамленні МЗС.
СК belsat.eu