Падчас мітынгу Святланы Ціханоўскай у Лідзе затрыманыя журналісты «Белсату» Уладзімір Лунёў і Галіна Абакунчык. Яны вялі стрым з агітацыйнага мітынгу Святланы Ціханоўскай.
Журналісты знаходзяцца ў Лідскім РАУС.
23:30 супрацоўнікі міліцыі з панятымі зладзілі вобшук асабістай машыны аператара Уладзіміра Лунёва. Журналісты ўсцяж застаюцца ў мясцовым РАУС.
00:30 журналістаў вызвалілі з РАУС, былі складзеныя пратаколы аб адміністрацыйнай адказнасці паводле арт. 22.9, таксама міліцыянты забралі ў журналістаў асабістыя мабільныя тэлефоны.
Раней падчас жывога эфіру ў Маладзечне былі затрыманыя нашыя журналісты Зміцер Міцкевіч і Дзяніс Дзюба.