Як паведамляе тэлеграм-канал Следчага камітэту, 24 жніўня каля 14.40 гадзін пры ўборцы збожжавых культур на тэрыторыі Лепельскага раёну ў жняярку камбайна трапіў 53-гадовы камбайнер.
Паводле папярэдніх дадзеных, падчас працы мужчына пасля забруднення жняяркі пакінуў кабіну камбайна, ня заглушыўшы рухавік. Аднак пасля ліквідацыі забруднення жняярка пачала рухацца і захапіла мужчыну. Ён загінуў на месцы здарэння.
Паводле Белстату, штогод праз траўмаванне на вытворчасці гінуць дзясяткі чалавек. За 2018 год было зафіксавана 95 смяротных выпадкаў. За першае паўгоддзе 2019 года – 53.
ІІ belsat.eu