15 студзеня на варце ва ўрочышчы Курапаты каля Менску затрымалі грамадскага актывіста Змітра Дашкевіча.
Пра затрыманне ў сваім Facebook паведаміла жонка актывіста Наста Дашкевіч.
За 15 хвілінаў да гэтага Зміцер Дашкевіч змясціў фота Курапацкай варты, напісаўшы:
«Беларусь выстаяла ў савецкіх канцлагерах, перамагла нацысцкія канцлагеры, то адолеем мы і канцлагеры лукашэнак-карпянковых. Жыве Беларусь!»
Курапацкая варта, якая супрацьстаіць пабудаванаму ля месца масавых расстрэлаў рэстарану «Поедем поедим», трывае ўжо 2,5 года – з чэрвеня 2018-га. Адзін з яе актыўных удзельнікаў – Зміцер Дашкевіч, які рэгулярна прыязджае пратэставаць да рэстарану ў пятніцы.
МГ, belsat.eu